Binakakoa
Bigarren jardunaldia
Bengoetxeak eta Beroizek bigarren puntua lortu dute Labriten
Erredakzioa
Leitzako aurrelaria eta Uharteko atzelaria neurketaren bigarren erdian suspertu dira eta Olaizola-Zabala bikotea hartu dute mendean. Goizuetako aurrelariak ohi baino pilota gehiago galdu ditu.
-
Argazkia: EITB
Bengoetxeak eta Beroizek Olaizola eta Ibai Zabala (22-19) hartu dituzte mendean, Iruñeko Labrit pilotalekuan, eta Binakako Txapelketan bigarren puntua lortu dute.
Olaizola agintzen hasi da eta aurreko koadroetan nagusi izan da hasieran. Ibai Zabalak asko lagundu dio Goizuetako aurrelariari, batez ere eskuin eskuarekin.
Estrategia balekoa izan da Bengoetxea lanean hasi arte. Neurketaren bigarren erdian Leitzako pilotariak errematean ikaragarri asmatu du. Olaizolak, ostera, ohi baino pilota gehiago galdu ditu gaurkoan.
Aldea markagailuan ez da handia izan norgehiagoka osoan zehar, baina Bengoetxea eta Beroiz indartsuago azaldu dira neurketaren bigarren erdian.
