Binakakoa
Final-laurdenetako ligaxka
Titin-Merino I / Irujo-Zabaleta, bigarren jardunaldiko azken partida
Erredakzioa
Miguel Merinok hartuko du bere anaia Daviden lekua. eitb.com-ek eta ETB-1ek zuzenean eskaiko dute astearte honetan Eibarren jokatuko den Binakako Txapelketako neurketa (17:00etatik aurrera).
-
Zabaleta-Irujo bikotea. Argazkia: EITB
Titin-Miguel Merino eta Irujo-Zabaleta bikoteek jokatuko dute asteartean, 2013. urteko urtarrilaren 1ean, final-laurdenetako ligaxkaren bigarren jardunaldiko azken partida Binakako Txapelketan.
Davidek minduta dauka bere eskuineko hanka, eta bere anaia Miguel izango da Titinen atzelaria.
Egungo txapeldunek porrota jaso zuten aurreneko jardunaldian Olaizola II.aren eta Ibai Zabalaren aurka. Irujok eta Zabaletak, bestalde, Gonzalez-Zubieta bikotea gainditu zuten.
Astearteko neurketa zuzenean jarraitu ahal izango da eitb.com-en eta ETB-1en, 17:00etatik aurrera.
