Binakakoa
4. jardunaldia
Irujok eta Zabaletak garaipen erraza lortu dute Labriten (22-10)
Erredakzioa
Aspeko bikoteak 2013ko Binakako Txapelketako bere hirugarren garaipena lortu du Pablo Berasaluzeren eta Albisuren aurka.
Juan Martinez de Irujok eta Jose Javier Zabaletak euren hirugarren garaipena eskuratu dute Pablo Berasaluzeren eta Jon Ander Albisuren aurka (22-10). Asegarceko bikoteak 2013ko Binakako Txapelketan jokatu dituen lau neurketa galdu ditu, eta sailkapeneko azkeneko postuan jarraituko du.
Berasaluze VIII-Albisu bikoteak markagailuan goitik hasi du norgheiagoka (1-0), baina Iurjok eta Zabaletak 0-8 partzial ikusgarria lortu dute. Asegarcekoek partidan berriz ere sartzeko ahalegin handia egin dute (3-8), baina Aspekoek, erraz agindu dute (4-12).
Jon Ander Albisuk akats nabarmenak egin ditu atzealdean, eta Martinez de Irujok eta Zabaletak agintzen jarraitu dute Iruñeko Labriten. Hala ere, Berrizeko aurrelariak eta atzelari gipuzkoarrak marklagailuan 8-13koa jarri dute, Berasaluzek aurrealdean ederki asmatu baitu. Asegarceko bikotea aldea murritzen saiatu da, baina Iberokoa eta Etxarrenekoa nagusi izan dira (10-17).
Jose Javier Zabaletak aise gainditu du Albisu atzean, eta Aspeko bikoteak txapelketako bere hirugarren garaipena lortu du (22-10).
