Binakakoa
12. jardunaldia
Arretxe-Beginok erronka handia dute gaur Bengoetxea-Beroizen aurka
Erredakzioa
Lehen itzuliko partidan, Bengoetxeak eta Beroizek ozta-ozta lortu zuten garaipena, 22-21. Norgehiagoka 23:00etan hasiko da, eta eitb.comek eta ETB1ek zuzenean emango dute.
-
Bengoetxea eta Beroiz sailkatuta daude, dagoeneko, finalerdietarako. Efe.
Arretxe eta Begino finalerdietan sartzeko aukera matematikoren bat badute oraindik, baina oso zail dute gaur garaipena erdiestea, Bengoetxea eta Beroiz bikotearen sasoi puntua ikusita. Hala ere, ondo baino honeto dakite Arretxek eta Beginok gaur Zarautzen ezinbestean irabazi beharra daukatela.
Bengoetxea eta Beroizen egoera, aldiz, oso bestelakoa da: sailkatuta daude, dagoeneko, eta azken asteetako sasoi onari eutsi nahiko dute. Lehen itzuliko partida estua izan zen, eta Bengoetxea-Beroizek irabazi zuten (22-21).
