Binakakoa
LABRIT ETA ADARRAGA
Iruñeak eta Logroñok hartuko dituzte Binakako Txapelketaren play-offak
AGENTZIAK | EITB MEDIA
Nafarroako frontoian, Altuna III.a-Mariezkurrena eta Jaka-Martija bikoteak arituko dira, eta Ezkurdia eta Ladis Galarza Errioxako hiriburuan arituko dira Olaizola II.aren eta Rezustaren aurka.
-
Labrit frontoia.
Iruñeko Labrit eta Logroñoko Adarraga frontoiak izango dira Binakako Txapelketaren play-offetako agertokiak. Bertan erabakiko da jada sailkatuta dauden Elezkano-Zabaleta eta Peña-Albisu bikoteekin nork jokatuko duen finalerdietako ligaxka.
Larunbatean, Nafarroako frontoian, Altuna III.a-Mariezkurrena eta Jaka-Martija bikoteek neurtuko dituzte indarrak, aurreko ligaxkako hirugarrenak eta seigarrenak. Igandean, Ezkurdiak eta Ladis Galarzak Olaizola II.a eta Rezustaren aurka jokatuko dute Errioxako hiriburuan, laugarrenak eta bosgarrenak.
Elezkano-Zabaleta eta Peña II.a-Albisu bikoteek finalerdietarako txartela eskuratu zuten, lehenengoak eta bigarrenak geratu baitziren hasierako ligaxkako hamalau jardunaldiren ondoren. Finalerdiak apirilaren azken bi asteburuetan eta maiatzaren lehenengoan jokatuko dira.
