Julen Martija

Abuztuaren 22tik 25era, Aste Nagusiko Pilota Torneoa hartuko du Bilbok. Finalaurrekoak abuztuaren 22an eta 23an jokatuko dituzte; finala, berriz, abuztuaren 25ean. Altuna III.a-Martija, Elordi-Zabaleta, Urrutikoetxea-Mariezkurrena II.a eta Laso-Imaz bikoteek hartuko dute parte.

Laudioko frontoian jokatutako partidan, Altuna III eta Iztueta nagusi izan dira eta CaixaBank Masters txapelketako lehen puntua lortu dute. Gorriek 22-11 hartu dituzte mendean Jaka eta Martija.

Peña II-Mariezkurrena II bikoteak San Fermin Torneoko finala galdu du Altuna III.aren eta Martijaren aurka (22-19). Partida 21-19 zihoanean, epaileak atxikia adierazi dio Mariezkurrenari; ondorioz, erabakiak garaipena eman die aurkariei eta Berriozarrekoa haserre bizian ikusi dugu.

Partida gogorra jokatu dute bi bikoteek San Fermin Torneoan, baina urdinak izan dira nagusi amaieran. Hala ere, tanteoak finalerako sailkatzeko aukerarik gabe utzi ditu.

Ladis Galarza, Oinatz Bengoetxea, Asier Agirre, Julen Martija eta Jose Angel Iribar Buruz Burko finala ikustera bertaratu dira Bilboko Bizkaia frontoira eta zenbait adierazpen egin dituzte.

Jokin Altuna eta Julen Martija dira 2024. urteko Binakako Txapelketako azpitxapeldunak. Partida epiko batean, Etxeberria eta Zabaleta gailendu zaizkie. Prentsaurrekoan, bi pilotariak "amaierara arte borrokatu izanaz harro" daudela adierazi dute, nahiz eta garaikurra ez irabazi.

Jokin Altunari eta Julen Martijari gailendu zaizkie Iruñeko Nafarroa Arena pilotalekuan jokatutako finalean (20-22). Partida gogorra eta oso lehiatua izan da. 

Jose Javier Zabaletak eta Peio Etxeberriak txapela jantzi dute 2024ko Binakakoa irabazita, eta Jokin Altuna eta Julen Martija, berriz, txapeldunorde geratu dira, bigarren postua lortuta.

Jose Javier Zabaleta eta Peio Etxeberria dira Binakako txapeldunak, Jokin Altuna eta Julen Martija mendean hartuta partida oso lehiatu batean (20-22). Zabaletaren bosgarren txapela da Binakakoan, eta Zenotzeko aurrelariaren lehenengoa profesional moduan.

Etxeberria eta Zabaleta nagusitu dira Binakako Txapelketako finalean, Altuna eta Martija 20-22 menderatuta. Bideoan, partidako azken tantoa eta ondorengo ospakizuna.

Antton Maiz pilotari ohiak EITB Mediarekin hitz egin du Binakako Txapelketari eta finalari buruz. Binakako bost txapel ditu, eta Zabaletak irabaziz gero, berdindu egingo luke Maizen marka. Horren ustez, Zabaletak berak baino txapel gehiago irabaziko ditu, baina finala, Altunak eta Martijak.

Jokin Altunak Binakako Txapelketako finala jokatuko du martxoaren 31n, Julen Martijarekin bikotea osatuta, Etxeberriaren eta Zabaletaren aurka. Amezketakoak bi final jokatu ditu Nafarroa Arenan, eta biak galdu ditu; hala ere, horrek ez du Altuna III.a kikiltzen.

Julen Martija, pilotaria izateaz gain, musikaria ere bada, pianoa jotzen baitu. Ane arreba kantaria da, eta partida bateko pasarte batean inspiratutako kanta bat sortu du; nebarekin batera jotzen du.

Julen Martijak Binakako bi txapel irabazi ditu dagoeneko, eta horietako bat, gainera, Jokin Altunarekin bikotea osatuta. Igandekoa bere hirugarren finala izango da modalitate horretan, Nafaroa Arenan jokatuko duen lehendabizikoa. Gainera, Jose Javier Zabaleta atzelariari egin beharko dio aurre.

Lau pilotariak gustura gelditu dira aukeratutako pilotak ikusita. Gerora, prentsaurrekoa eman dute, eta, jakina, igandeko final handia izan dute aztergai.

Altuna III.ak eta Martijak Eskuz Binakako Txapelketako finalerako txartela lortu zuten asteburuan, Artola eta Imaz 22-9 mendean hartu ostean. Binakako hirugarren finala izango da Martijarentzat; bigarrena, berriz, Altunarentzat.

Amezketakoak erakustaldia eman du Astelena pilotalekuan jokatutako finalerdietako ligaxkako azken partidan.

Baiko eta Aspeko bikoteak Eibarko Astelena frontoian aritu dira pilotak aukeratzen datorren igandean bertan jokatuko den partidarako. Pasa den igandetik, sarrerak agortuta daude eta beraz, gainerako pilotazaleek ETB1en eta eitb.eus-en ikusi beharko dute.

Final-laurdenetako ligaxkan onena izan zen Baikoko bikotea, baina finalerdietakoan bi partida txar egin dituzte eta txapelketatik kanpo geratu dira. Altuna eta Martijaren garaipenak, gainera, finalerako txartela eman die Peio Etxeberria eta Zabaletari.

Igandean, Bizkaia frontoian, Jaka-Mariezkurrena eta Altuna-Martija bikoteak nor baino nor gehiago arituko dira finalerdietako ligaxkako bigarren jardunaldian. Lau pilotariak materialarekin "gustura" agertu dira. 

Altuna-Martija eta Peio Etxeberria-Zabaleta bikoteek jokatuko dute finalerdietako ligaxkako bigarren partida Gasteizen. Peio Etxeberria ez da inoiz heldu horren urruti Binakakoan, eta, adierazi duenez "tximeletak" beti daude baina final bat jokatu izanak balio izango diola "presio hori eramateko".

22-11 menderatu dituzte, ostegunean, Tolosan, Mikel Urrutikoetxea eta Ander Imaz. Iñaki Artolak eta Imazek beste aukera bat izango dute, Elordi-Rezusta edo Peña II-Albisu aurkari, finalerdietarako sailkatzea eskuratzeko.

2-8 tantoan Ander Imazi ihes egin dio pilotak eta zaratamoarraren eskuin hankan jo du, bikien inguruan. Mikel Urrutikoetxeak ez du arazorik izan Beotibar frontoieko kantxan jarraitzeko Altuna-Martija bikotaren aurkako neurketan.

Elordi-Rezustak kostata lortu dute garaipena eta play-offa jokatuko dute azkenean. Etxeberria-Zabaleta zuzenean saikatu dira finalerdietara. Nabarmentzekoa da, gainera, Zabalaren lana, errioxarrak ondo bete du Altuna III.aren hutsunea.

Jon Ander Peñak eta Jon Ander Albisuk, ordea, bi partida irabazi beharko dituzte finalaurrekoetan izateko, Tolosan 22-16 galduta. Javier Zabala Jokin Altunaren ordez aritu da, beste behin, eta ez du partidarik galdu Binakako Txapelketan jokatu dituen lau neurketetan.

Txapelketako euren zazpigarren garaipena lortu dute, Labriten, azken sei partidak jarraian irabazi dituen bikotearen aurka.

Binakako Txapelketako hamahirugarren jardunaldian Zabala-Martija eta Artola-Imaz aurrez aurre arituko dira larunbatean, Labrit frontoian. Bi bikoteak matematikoki play-offetarako sailkatuta egon arren, "gogotsu" agertu dira neurketara begira. Javi Zabalak ordezkatuko du beste behin Jokin Altuna.
 

Artolak eta Imazek boadan jarraitzen dute, seigarren garaipena jarraian erdietsi dute asteburuan. Playoffak ez dira azken ardunaldira arte erabakiko.

Julen Martijak partida biribila egin du Javier Zabalarekin batera (Altunaren ordezkoa) Jaka eta Eskiroz 10 eta 22 mendean hartzeko, Binakakoaren 12. jardunaldia itxi duen neurketan.