Elezkano II.a-Zabaleta txapeldunak, lider, lehen jardunaldia jokatuta

2022ko Binakako Txapelketako lehen jardunaldia jokatu da asteburuan eta garaipena erdietsi duten lau bikoteak Laso-Imaz, Peña II.a-Albisu, Irribarria-Rezusta eta Elezkano II.a-Zabaleta dira.

Tantoen aldeagatik Elezkano II.a eta Zabaleta, iazko txapeldunak, lehen postuan daude; igandean Mungian uste baino errazago menderatu zuten Ezkurdia-Tolosa bikotea (7-22).

Hurrengo jardunaldian garaileen ateko lehia egongo da. Alde batetik Elezkano II.ak eta Zabaletak Irribarria eta Rezusta izango dituzte aurrean igandean, Azkoitian, eta bestetik Peña II.a-Albisu eta Laso-Imaz bikoteek neurtuko dituzte indarrak Iruñean, larunbatean.

1.  jardunaldiko emaitzak

Jaka-Mariezkurrena II.a vs Peña II.a-Albisu (15-22)

Urrutikoetxea-Aranguren vs Laso-Imaz (9-22)

Altuna III.a-Martija vs Irribarria-Rezusta (11-22)

Ezkurdia-Tolosa vs Elezkano II.a-Zabaleta (7-22)

2.  jardunaldiko egitaraua

Azaroaren 26an, ostiralean, Galdakaon: Urrutikoetxea-Aranguren vs Jaka-Mariezkurrena II.a

Azaroaren 27an, larunbatean, Iruñean: Laso-Imaz vs Peña II.a-Albisu

Azaroaren 28an, igandean, Azkoitian: Elezkano II.a-Zabaleta vs Irribarria-Rezusta

Azaroaren 30ean, asteartean, Eibarren: Altuna III.a–Martija vs Ezkurdia-Tolosa