Bilbao Basket
Zuzenean, eitb.com-en
Uxue Bilbao Basketek Eurocupeko porrota ahaztu nahi du
Erredakzioa
Larunbatean jokatuko dute Herbalifen aurka Bilbao Arenan, 19:15ean. Partida zuzenean eskainiko dute eitb.com-ek eta ETB-1ek. Bi talde hauek Errege Kopan ere aurkari izango dira.
-
Alex Mumbru Herbalifen aurka jokatutako partida baten. Argazkia: EFE
Uxue Bilbao Basketek Eurocupean jasotako porrot latza ahaztu nahi du, eta larunbatean izango du horretarako aukera Bilbao Arenan. Herbalife izango du aurkari 19:15ean hasiko den partidan, eta norgehiagoka zuzenean eskainiko dute eitb.com-ek eta ETB-1ek.
Errege Kopako lehen kanporaketan aurkari izango dira bi talde hauek. Gasteizen jokatuko da Kopa, eta Bilbao Basket-Herbalife partida, otsailaren 8an (21:30ean) jokatuko da Buesa Arenan.
Endesa Ligan ibilbide parekatua dute Bilbao Basketek eta Herbalife. Talde kanariarrak Uxue Bilbao Basketek baino garaipen bat gehiago du. Endesa Ligako laugarren postuan daude kanariarrak, eta bizkaitarrak bosgarrenean daude. Garaipena lortuz gero, Bilbao Basketek Herbalife harrapatuko luke sailkapenean.
Xavi Rey jokatzeko prest egongo da, eta albiste ona da Herbalifentzat. Nelson Spencer izango da taulapean Bilbao Basketeko jokalariei lanak ematen saiatuko den jokalaria.
