Bilbao Basket
Igandean, 12:40ean
Uxue Bilbao Basketek liderraren aurka jokatuko du Miribillan
Erredakzioa
Fotis Katsikarisen mutilek ezustekoa eman nahi dute Real Madrilen aurka. Errege Kopa aurretik garaipena eskuratzea oso garrantzitsua izango litzateke.
-
Hervelle. Argazkia: EFE
Uxue Bilbao Basketek Real Madrilen aurka jokatuko du igandean, 12:40ean, Miribillako Bilbao Arenan. Pablo Lasoren mutilak Endesa Ligako liderrak dira, eta Europako talde indartsuenetarikoa. Errege Kopa aurretik garaipena lortzea, ezinbestekoa izango da bi taldeentzat.
Bizkaiko taldeak etxeko lanak egin ditu Eurokopan, Valentziaren aurka hil edo biziko garaipena eskuratuta, eta Katsikarisen mutilek sendotasuna nahi dute Endesa Ligan. Bilbao Basketek luzapenean galdu zuen Bartzelonaren aurka, baina Real Madrilen kontra ez du hutsik egin nahi.
Fotis Katsikaris entrenatzaileak "Europako talde onenaren aurka" jokatuko dutela azpimarratu du. Hala ere, Uxuek hobekuntza handia azaldu du azkeneko asteetan, eta Miribillako zaleen babesarekin edonor gainditzko gai direla argi utzi dute.
Jokalari guztiak jokatzeko prest daude, Lamont Hamilton eta Raul Lopez barne. Bilbao Basketek ACBn 150. garaipena eskuratzeko aukera izango du.
