Bilbao Basket
Igandea, 12:15ean
Bilbao Basketek aurreneko garaipena bilatuko du
Erredakzioa
Bizkaiko taldeak Kanaria Handia hartuko du Miribillan. Dinamo Sassariren kontra garaipen garrantzitsua lortu ondoren, Pueyoren gizonek konfiatzarekin jokatuko dute.
-
Bilbao Basket-Kanaria Handia. Artxiboko argazkia: EFE
Bilbao Basketek Herbalife Kanaria Handia hartuko du Miribillan (igandean, 12:15ean). Bizkaiko taldeak bi garaipen garrantzitsu lortu ditu Eurokopan, baina Endesa Ligan porrotak soilik jaso ditu.
CAI Zaragozak aise irabazi zuen lehenengo jardunaldian, Bilbao Arenan, eta Fuenlabradan Pueyoren gizonek porrot mingarria jaso zute, ia partida osoan markagailuan goitik joan ondoren. Kanaria Handiak, bitik bi irabazi ditu. Laboral Kutxaren kontra, Buesa Arena, eta UCAM Murtziaren kontra, ‘Arrokan’.
Hala ere, Bilbao Basketek garaipen ikusgarria lortu zuen Dinamo Sassariren kontra, luzapenean, eta jokalariak konfiantzarekin helduko dira. Bilboko taldearen helburua zaleen aurrean partida txukuna jokatzea izango da.
Dairis Bertans guztiz sendatu da, eta Alex Mumbru sasoi ikusgarrian dago. Kataluniako jokalaria Ligako baloraziorik onena duena da, baina taldeko beste jokalariek ere aurrerapausoa eman beharko dute.
