Bilbao Basket
Endesa Liga
Bilbao Basketek lehen garaipena eskuratu nahi du Real Madrilen aurka
Erredakzioa
Talde bizkaitarrak ez du garaipenik lortu Endesa Ligan, eta igandean liderra izango dute aurkari. Partida, 12:15ean hasiko da eta zuzenean eskainiko dute ETB1ek eta eitb.com-ek.
-
Superkopako Bilbao Basket-Real Madril partidako irudia. Argazkia: EFE
Bilbao Basketek lehen garaipena eskuratu nahi du Endesa Ligan, baina igandeko aurkariak ez dizkio erraztasunak emango. Talde bizkaitarrak Real Madril izango du aurkari 12:15ean hasiko den partida honetan. Norgehiagoka zuzenean eskainiko dute ETB1ek eta eitb.com-ek.
Superkopan jokatu zuen Bilbao Basketek Real Madrilen aurka Endesa Liga hasi baino aste bete lehenago, eta Madrileko taldea aise nagusitu zen (100-61). Ordutik, Bilbao Basketek bere jokoa hobetu du, baina ez da Endesa Ligan garaipenik eskuratzeko gai izan. Orain arte jokatu dituen partidak galdu egin ditu Rafa Pueyok zuzentzen duen taldeak. CAI Zaragozaren, Fuenlabradaren eta Herbalife Gran Canariaren aurkako partidetan porrotak jaso ditu talde bizkaitarrak. Eurokopan, aldiz, bolada onean da Bilbao Basket, hirutik hiru partida irabazita.
