Bilbao Basket
Eurokopa
Bilbao Basketek laugarren garaipena nahi du gaur Elan Chalonen aurka
Erredakzioa
Rafa Pueyoren gizonek B multzoko lidergoan jarraitu nahi dute, Endesa Ligan hasiera oso kaskarra egin ondoren.
-
Bilbao Basket. Argazkia: EFE
Bizkaiko taldeak B multzoko lidergoan jarraitu nahi du, Eurokopan, baina horretarako Rafa Pueyoren gizonek Elan Chalon talde frantziarra gainditu beharko dute, Miribillan. Bilbao Basketek hiruti hiru irabazi ditu Europako txapelketan, baina Endesa Liga lau porrot jaso ditu. Real Madrilen porrot mingarria ahazteko, talde beltzak garaipena lortu nahi du, Bilbao Arenan.
A.J. Slaughter Frantziako taldeko izarrak 15,3 puntu lortu ditu batazbeste, Eurokopan, eta Bilbao Basketek estatubatuarra gelditzeko defentsa sendotu beharko du. Elan Chalonek Miribillan ezustekoa man nahi du, baina Pueyoren gizonek zaleen babesa izango dute.
Garaipenak konfiantza eman diezaioke Bilbao Basketi, larunbatean derbi oso garrantzitsua jokatuko baitu Sito Alonsoren Gipuzkoa Basketen aurka, Ilunben.
Partida, zuzenean, ETB1en eta eitb.com-en (20:30).
