Bilbao Basket
Eurokopa
Bilbao Basketek partida garrantzitsua du Dinamo Sassariren aurka
Erredakzioa
Asteazkenean jokatuko da bi talde hauen arteko partida Bilbao Arenan. Norgehiagoka 20:30ean hasiko da, eta zuzenean eskainiko dute eitb.com-en eta ETB1en.
Albisteak (3)
Bideoak (1)
Informazio gehiago (1)
Bilbao Basketek partida garrantzitsua jokatuko du gaur Dinamo Sassariren aurka Bilbao arenan. Lehia 20:30ean hasiko da, eta zuzenean eskainiko dute eitb.com-ek eta ETB-1ek.
Talde bizkaitarrak Euroligako azken bi partidak galdu ditu Oldenburgen (91-86) eta Cedevitaren aurka (89-79). Ondorioz, Bilbao Basketi zaildu egin zaio 'Top 32'rako txartela. Talde italiarraren aurka porrota jasotzen badu, multzoko lehen postua eskuratzeko zailtasunak izango ditu.
Lau jardunaldi falta dira Euroligako multzoen lehen fasea amaitzeko, eta berdinketa laukoitza dago lehen postuan. Cedevitak, Dinamo Sassarik, Oldenburgek eta Bilbao Basketek launa garaipen dituzte. Elan Chalonek, aldiz, bi garaipen ditu, eta Charleroik bakarra.
Italiarren aurka garaipena lortuz gero, Bilbao Basketek hurrengo fasera sailkatzeko aurrerapauso handia emango luke.
