Bilbao Basket
Eurokopa
Azken aukera Europan
Erredakzioa
Bilbao Basketen jomuga hurrengo faserako txartela ziurtatzeko EWE Oldenburg taldeari bost puntuko aldeagatik irabaztea da.
-
Bilbao Basketek hil a la biziko partida du Eurokopan. Argazkia: EFE
Bilbao Basketek hil edo biziko partida jokatuko du gaur Bilbao Arenan EWE Oldenburgen kontra (20:30ean, zuzenean ETB1en eta eitb.com-en). Bilbotarrek Charleroiren garaipena behar zuen Eurokopan bizirik jarraitzeko.
Miraria bazirudien ere, horrela gertatu zen Alemanian (EWE Oldenburg 74 – Spirou Charleroi 82), eta, ondorioz, Rafa Pueyoren taldeak aukera du oraindik hurrengo faserako txartela lortzeko.
Horretarako bost puntuko aldea lortu behar dute EWE Oldenburgen kontra, lehen itzuliko neurketan 91-86 galdu baitzuten. Hala eta guztiz ere, Cedevita Zagreb (KRO) eta Elan Chalon (FRA) partidaren emaitzaren zain egon beharko dira, frantziarrek irabazten badute partida irabaztea nahikoa izango baitute sailkatzeko.
Sailkapena
.1. Dinamo Sassari (ITA) 9 jokatu 7 irabazi 2 galdu
.2. Cedevita Zagreb (KRO) 9 5 4
.3. EWE Oldenburg (ALE) 9 5 4
.4. Bilbao Basket (EUS) 9 4 5
.5. Elan Chalon (FRA) 9 4 5
.6. Spirou Charleroi (BEL) 9 2 7
10. jardunaldia (abenduak 18)
Bilbao Basket (EUS) - EWE Oldenburg (ALE)
Cedevita Zagreb (KRO) - Elan Chalon (FRA)
Spirou Charleroi (BEL) - Dinamo Sassari (ITA)
