Bilbao Basket
Endesa Liga
Bilbao Basketek bosgarren garaipena jarraian lortu nahi du Ligan
Erredakzioa
Rafa Pueyoren taldea Endesa Ligan buru-belarri sartuta dago. Aurkari zuzenen kontra jokatu beharko du, Errege Koparako sailkatzeko borrokan.
-
Bilbao Basketek Errege Koparako txartela lortu nahi du. Efe.
Bilbao Basketek UCAM Murtziaren aurka jokatuko du ostiralean (zuzenean, 19:30ean, ETB1en eta eitb.com-en), Liga denboraldiko seigarren garaipenaren bila. Bizkaitarrek aurten Malagan jokatuko den Errege Koparako txartela nahi dute.
Valladoliden, Estudiantesen, Cajasolen eta Laboral Kutxalen aurka lortutako garaipenek Errege Koparako borrokan sartu dituzte bilbotarrak, duela hilabete nekez pentsa zitekeen egoeran.
Eurokopako Last 32rako sailkatzeak eragindako nekeak atzera utzita, Bilbao Basket Endesa Ligan buru-belarri sartu da. Aurkari zuzenen kontra jokatu beharko du datozen asteetan, Errege Koparako sailkatzeko borrokan.
Lehia estua izatea espero da: lehen itzulia amaitzeko sei jardunaldi bakarrik falta dira eta bizkaitarrak bederatzigarren dira Ligan, Joventutekin, Laboral Kutxarekin, Cajasolekin eta CAI Zaragozarekin bost garaipenetara berdinduta. Gipuzkoa Basket eta Tenerife garaipen bakar batera ditu, seigarren eta zazpigarren postuetan.
