Bilbao Basket
Panioniosen kontra
Eurokopako jardunaldia berriro ere Bilbon
Erredakzioa
Bilbao Basketek eta Panioniosek egoera ekonomiko larria dute, eta lehen jardunaldian jipoia jaso zuten biek.
Albisteak (3)
Informazio gehiago (1)
Bilbao Basketek Panioniosen kontra jokatuko du Eurokopako Last 32ko bigarren jardunaldian Miribillako pabiloian.
Bi taldeek galdu egin zuten aurreneko jardunaldian. Izar Gorriak jipoia (105-87) eman zion Bilbao Basketi Eurokopako Last 32ko aurreneko neurketan. Serbiako taldea jaun eta jabe izan zen Pionirreko kantxan, eta Pueyoren gizonek ezin izan zuten Belgradeko taldea gelditzeko ezer egin. Greziarrek, berriz, etxean galdu zuten Nizhny Novgoroden aurka (75-89).
Porrot hori jasotzeaz gainera, bi taldeak egoera ekonomiko larrian daude. Talde bizkaitarrean, Gorka Arrinda akziodun nagusiak eskaintzak hilaren 20tik aurrera entzuteko adostu zuen jokalariekin. Beraz, egora nahiko nahasia dago Bilbon.
