Bilbao Basketek partida garrantzitsua du Nizhny Novgoroden aurka

Bilbao Basketek Eurokopako 'Last 32'ko partida jokatuko du asteazken honetan Bilbao Arenan, 20:30ean. Talde bizkaitarraren aurkaria Nizhny Novgorod izango da, eta partida oso garrantzitsua da Rafa Pueyok zuzentzen duen taldearentza. Garaipena lortzea aurrerapausoa ematea izango litzateke. Norgehiagoka zuzenean eskainiko dute eitb.com-ek eta ETB1ek.

Nizhny L multzoko liderra da orain arte jokatutako bi partidak irabazita, eta Bilbao Basket multzoko bigarren sailkatua da. Bizkaitarrei irabazi zion Izar Gorria dago sailkapeneko hirugarren postuan.

Badirudi Panionions dela aukera gutxien duen taldea. Bi partida galdu ditu, azkena Bilbao Basketen aurka. Horrenbestez, Bilbao Basketentzat partida oso garrantzitsuak izango dira Nizhnyren aurkakoak. Asteazken honetan jokatuko dute lehen partida eta datorren astean berriro elkarren aurka jokatuko dute.