Bilbao Basketek garaipena behar du Bonn Telekomen aurka

Dominion Bilbao Basketek Alemanian jokatuko du gaur 19:30ean, Bonn Telekom taldearen aurka. Talde bizkaitarrak garaipena lortu nahi du bolada txarrari amaiera emateko. Endesa Ligan Kanaria Handiaren aurka galdu egin zuen, eta Eurocupeko lehen partidan porrota jaso zuen Nanterreren aurka.

Eurocupeko lehen jardunaldian jasotako porrotak egoera zailean jarri du Bilbao Basket, sailkapenari dagokionez. Aurrean aurkari zaila izango du: Bonn Telekom, bolada oso onean dagoen taldea da. Alemaniarrek ondo ekin zioten Eurocup txapelketari, EWE Oldenburg 88-77 menderatu ostean.

Mathias Fischerrek zuzentzen duen taldeak gaizki ekin zion denboraldiari, Crailsheim aurka porrota jasota, baina orduko urriaren 3tik, lau garaipen lortu ditu jarraian Oldenburgen aurka Eurocupean eta Mitteldeutscher, Bayern Munich eta Bremerhavenn taldeen aurka Alemaniako ligan.

Eugene Lawrence, Tadas Klimavicius eta Jimmy McKinney dira talde alemaniarrak dituen jokalari onenak.