Alba Berlin-Bilbao Basket (77-70): Agur, finalari

Talde bizkaitarrak alemaniarren defentsa ezagutu nahian hasi zuen partida, izan ere, Berlineko taldeak oso erasokor hasi baitzuen partida. Byarsek 8 puntu sartu zituen lehen laurdenean eta Alba 16-15 aurreartu zen markagailuan. Bilbotarren artean, Moiso izan zen partidan sartuena egon eta intentsitate gehiena jarri zuena. Alemaniarrek, ondo babestu zuten Marco Banic eta Katsikarisen mutilek ezin izan zuten eroso jokatu saski azpian. Lehen laurdenaren amaieran, emaitza 18-18 izan zen, beraz bi taldeen artean berdintasuna izan zen nagusi partidaren hasieran.

Bigarren laurdenean, Adam Chubb, alemaniarren pibota, izan zen partida desorekatu zuen gizona. Alba Berlineko jokalariak lan bikaina egin zuen erasoan eta bizkaitarren defentsak ezin izan zituen bere saskiraketak gelditu. Talde horiak, 26-20ko markagailua jartzea jarri zuen baina Bilbao Basketen erantzuna berehala etorri zen Jerome Moisoren lan bikainari esker ( 33-30). Atsedenaldira, bilbotarrak 5 puntuko aldeaz galtzen joan ziren, 35-30.

Hirugarren laurdenean, berlinadarrak markagailuan joan egin ziren Chubben lan bikainari esker. Katsikarisen taldeak ez zuen hiruko marratik asmatzen jakin eta Warrenek eta Javi Rodriguezek giharretako minak sentiarazi zituzten. Alemaniarrek 9 aldeko abantaila lortu zuten Jenkinsen hiruko batekin (56-47) eta Bilbao Basketek ez zuen amatzen Alba Berlin gelditzen. Hirugarren laurdenaren amaneran, emaitza 56-49koa izan zen horientzat.

Azken laurdenean, Adam Chubb pibot estatubatuarrak saskiraketak sartzen jarraitu zuen eta alemaniarrak momentu oro mantendu ziren zurretik markkagailuan. Alex Mumbruk, hiruko batekin bilbotarrak hiru puntura jartzea lortu zituen (67-64) baina hil eta biziko bi jaurtiketa libre huts egin zituen jarraian. Jenkinsek ez zuen bere jaurtiketa huts egin eta Alba 75-66 joan zen markagailuan bizkaitarren ametsa deseginez. Akzen emaitza 77-70ekoa izan zen berlinekoentzat eta talde horiak Power Electronics Valentziaren aurka jokatu beharko du Eurocupeko finala.

- Fitxa teknikoa:

77 - Alba Berlin (18+17+21+21): Wright (9), Byars (10), McElroy (13), Dojcin (-) etaSekulic (2) -hasierako bostekoa-; Hamann (-), Jenkins (11), Golemac (5) eta Chubb (27).

70 - Bizkaia Bilbao Basket (18+12+19+21): Salgado (9), Warren (14), Mumbrú (10), Hervelle (10) eta Moiso (12) -hasierako bostekoa-; Javi Rodríguez (-), Blums (5), Banic (4), Markota (-), Seibutis (6) eta Vázquez (-).