Bilbao Basket
Gaur, 20:00etan
RETAbet Bilbao Basketek garaipena behar du Berlinen
Erredakzioa
Bizkaiko taldeak Alba Berlinen aurka jokatuko du 20:00etan. Garaipena lortu ezean kanporatuta geratuko da. Partida zuzenean eskainiko dute eitb.eus-ek eta ETB1ek.
-
Bilbao Basket. Argazkia: EFE
RETAbet Bilbao Basketek Alba taldearen aurka jokatuko du gaur, 20:00etan, Berlinen, Eurocupeko partida. Partida zuzenean eskainiko dute eitb.eus webguneak eta ETB1ek.
Bizkaiko taldeak Top16ra saikatzeko oso aukera gutxi ditu, baina, garaipena lortuz gero, aukera txikiren bat izaten jarraituko du. Lehen jardunaldian, Bilbao Basketek galdu egin zuen Alba Berlinen aurka Bilbao Arenan, eta Alemanian irabazi egin behar du, hurrengo faserako sailkatzeko aukeraren bat izaten jarraitu nahi badu. B multzoko azken postuan dago Bilboko taldea.
Carles Duran entrenatzaileak jokatzeko prest izango du Jonathan Tabu eta jarraian sei porroteko boladari amaiera eman ostean, indarberrituta doa taldea Alemaniara.
Ahmet Cakik zuzentzen duen Alba Berlinek itxura ona eman zuen Bilbao Arenan. Kalitate handiko jokalariak ditu, eta Bilbao Basketeko jokalariek kontuz ibili beharko dute Peyton Siva, Dominique Johnson eta Tony Gaffney estatubatuarrekin, baita Dragan Milosavljevic eta Elmedin Kikanovic balkandarrekin ere.
/>
