Bartzelona-Bilbao Basket (78-83): Palau Blaugranako lehen garaipena

Bizkaia Bilbao Baasketek ACB Ligako liderra gainditu egin du etxetik kanpora (78-83). Katsikarisen taldea atzetik joan da partida osoan, baina Aaron Jacksonek luzapen denborara bidalu du bnorgehiagoka saskiraketa eder batekin. Luzapenean bizkaitarrek sendo jokatu dute eta garaipen garrantzitsua eskuratu dute.

Xavi Pascualen taldeak argi eta garbi agindu du lehen laurdenean Palau Blaugranan eta 9-0eko partzialaz partida hasieratik jarri dute euren alde. Bilbotarrak defentsan ahul egon dira eta Inglesek min handia egin du erasoan 17-9ko markagailua jarriz. Hasierako laurdenaren bukaeran emaitza 19-12koa izan da blaugranentzat Bilbao Basket erdi lo irten delako kantxara.

Bigarren laurdenean Morrisek eta Lakovicek Bartzelona ondo gidatu dute erasoan eta etxekoek 15 puntuko aldea lortu dute (37-22). Aaron Jacksonek eta Alex Mumbruk markagailua iraultzeko saiakerak egin dituzte, baina bizkaitarrek ez dute erasoan asmatu eta Bartzelonak erraz agindu du. Atsedenaldira 42-30 joan dira bi taldeak.

Atsedenaldiaren ostean Bilbao Basketek asko sakatu du erasoan eta Aaron Jacksonen gidaritzapean 42-35 gerturatu dira markagailuan. Hala ere, talde katalanak defentsa sendotu egin du eta Katsikarisen mutilek ezin izan dituzte saskiraketa errazak lortu. Hirugarren laurdenaren bukaeran emaitza 50-41ekoa izan da Bartzelonarentzat.

Laurden erabakigarrian bizkaitarrek hobeto jokatu dute erasoan eta Banicek puntu bakarreko aldea ezarri du markagailuan (52-51). Bartzelona markagailuan aurretik mantendu da, baina azken minutuetan Aaron Jacksonek erasoko ardura hartu du 68-68koa jartzeko eta partida luzapen denborara eramateko.

Luzapenean Chris Warrenek lehen aldiz markagailuan aurretik jarri ditu bilbotarrak (71-72) eta talde beltzak konfiantza hartu du. Andersonek eta Aaron Jacksonek saskiraketa lortu dituzte bi taldeentzako, baina kanpoko taldeak 75-79koa jartzea lortu du Vasileiadisen hiruko bati esker. Azkenean garaipena Bilboko taldearentzat izan da, 78-83ko emaitzaz ACBko liderra gainidtu baitute.

Fitxa teknikoa:

78. Regal Barcelona (19+23+8+18+10): Ricky Rubio (8), Perovic (2), Ingles (15), Lorbek (11), Grimau (7) -hasierako taldea-, Sada (2), Lakovic (3), Anderson (16), Morris (10), Vazquez (4) eta Ndong (0).

83. Bizkaia Bilbao (12+18+11+27+15): Warren (11), Jackson (21), Banic (6), Mumbru (13), Sonseca (0) -hasierako taldea-, Blums (0), Fisher (4), Vazquez (0), Vasileiadis (14), Hervelle (6), Mavroeidis (8).