Bilbao Basket
Endesa Liga
Bartzelona-Bilbao Basket (91-72): Jipoia Palaun
Erredakzioa
Katsikarisen taldeak ezin izan du Barçak egindako joko bikaina geldiarazi. Juan Carlos Navarrok 27 puntu egin eta balorazioko 28 jaso ditu.
-
Navarro eta Banic. Argazkia: EFE
Bizkaia Bilbao Basketek porrot argia jaso du Regal Bartzelonari egindako bisitan. 24-14ko partziala lortu du talde katalanak lehen laurdenean Katsikarisen taldea erraz gaindituta. Bizkaiak hasiera ahula egin du.
Bigarren laurdenean markagailuan hurbildu da Bilboko taldea (sei puntura), baina atsedenaldian 16 puntuko errenta zuen etxeko taldeak (52-36). Barçako jokalariek duten kalitatearen seinale argia.
Xavi Pascualen taldeak ez du bigarren zatian atsedenik eman. Navarrok eta gainerakoek lanean jarraitu dute eta Bizkaiak ezin izan du euren jokoa gelditu.
Roger Grimauri, Bartzelonako kapitain ohia eta egun Bilbao Basketen, omenaldia egin diote partida hasi aurretik.
Fitxa teknikoa:
91 - Bartzelona Regal (24+28+16+23): Sada (4), Navarro (27), Eidson (2), Lorbek (19), N'Dong (4) -hasierako bostekoa- Huertas (3), Perovic (12), Mickeal (10), Rabaseda (-), Vazquez (7) eta Ingles (3).
72 - Bizkaia Bilbao Basket (14+22+14+22): Jackson (4), Blum (1), Mumbru (5), Banic (10), Fischer (13) -hasierako bostekoa- Raul Lopez (5), Grimau (6), Hampl (8), Vasileiadis (7), Stevic (6), Fisher (7).
