Bilbao Basket
Hervelleren ordez
Bilbao Basketek Damir Krupalija fitxatu du hilabete eta erdirako
ERREDAKZIOA
Damir Krupalija hegal-pibot bosniarra fitxatu du hilabete eta erdirako Bilboko taldeak, Axel Hervelle ordezkatzeko.
Axel Hervelle joan den ostegunean hartu zuen min eta hilabete eta erdiz baja izango da. Jokalaria ordezkatzeko Bizkaia Bilbao Basketek Damir Krupalija fitxatzea erabaki du.
Krupalija (Sarajevo, Bosnia, 1979) 208 zentimetro eta 105 kiloko jokalaria da eta Frantziako Ligako Hyères-Toulonetik dator. Denboraldi honetan 10,8 punto, 6,7 errebote eta 3 asistentzia egin ditu partidako.
1998 eta 2002 urte bitartean hezi zen Estatu Batuetako Illinoiseko Unibertsitatean. Bizkaia Bilbao Basketeko jokalaria 2002. urtean bueltatu zen Europara. Poloniako Anwil Wroclaw (2002-03), Belgikako Charleroi (2003-07) eta Frantziako Dijonen (2007-2010) aritu da.
