Bilbao Basket
Larunbatean, 18:00etan
Gescrap Bizkaia-Valentzia: Konfiantza berreskuratzea da helburua
Erredakzioa
Errege Kopa jokatzeko aukerak izaten jarraitzeko Katsikarisen taldeak garaipena lortu beharko du Miribillan. Talde beltzak animoak berreskuratu behar ditu Euroligako porrot mingarria ahazteko.
-
Argazkia: EFE
Gescrap Bizkaiak Valentzia Basket hartuko du Bilbao Arenan larunbatean 18:00etan. Errege Kopa jokatzeko aukerak izaten jarraitzeko, Bilboko taldeak garaipena eskuratu beharko du porrot batekin ia kaleratuta gelditzeko arriskua baitauka.
Fotis Katsikarisek gizon guztiak prest ditu jokatzeko, baina Raul Lopezen zain egongo da teknikari greziarra. Madrileko joko antolatzaileak ez zuen Canturen aurka jokatu eta badirudi Endesa Ligako partida jokatzeko prest izando dela. Gescrap Bizkaiak ligako azken bost jardunaldietatik soilik partida bat irabaztea lortu du eta etxetik kanpora garaipena ezagutu gabe jarraitzen du.
Gainera, Euroligako porrot mingarria aztean utzi nahi dute Katsikarisen mutilek. Basileren hiruko batek garaipena eman zion Canturi azken segundoan eta Bilboko taldeak animoak berreskuratu behar ditu.
