Katsikaris: 'Lagun Aro gu baino askoz hobeto dago psikologikoki'

Gescrap Bizkaiak Lagun Aro hartuko du igande honetan Bilbao Arenan (12:30) eta Katsikaris bilbotarren entrenatzailea derbiari buruz mintzatu da. "Partida zaila izango da eta gure zaleen babesa behar izango dugu. Jarraian lau partida irabazi dituzte, guk baino garaipen bat dute eta psikologikoki gu baino hobeto daude", adierazi du.

Lagun Aro "talde ezberdina" dela azpimarratu du teknikari greziarrak. "Taldearen muina zortzi jokalarik osatzen dute eta denek badakite zer egin behar duten". "Ligako hirugarren joko-erasorik onena dute eta konfiantzarekin jokatzen dute, etxean zein kanpoan", esan du.

"Kopa berezia da, baina denboraldiko helburu nagusia playoffetarako txartela lortzea da. Asko geratzen da oraindik ere eta seigarren postua ez dago urrun, baina denborak aurrera egiten du eta irabazten hasi beharra daukagu", gogoratu du