Gescrap Bizkaiak Errege Koparekin amesten jarraitu nahi du

Gescrap Bizkaia Bilbao Basketekostegun honetan izango du etxetik kanpo jokatu behar duen lau partidako errenkadako lehen norgehiagoka, CAI Zaragozaren kantxan (20:30, ETB-1). Fotis Katsikarisen taldeak joan den igandean Lagun Aro GBCren kontra jasotako porrota ahaztu nahi du, garaipen baltsamiko bat lortuta. Partida hau Endesa Ligako 12. jardunaldikoa da, baina bi aldiz atzeratu dute, biharko data zehaztu baino lehen.

Bilboko taldeak ez darama ibilbide onik Ligan, baina, aldi berean, historia egiten ari da Euroligan. Oso zaila dute Errege Koparako txartela lortzea, baina "beltzeko gizonak" azken unera arte saiatuko dira.

Bestalde, CAI Zaragoza antzeko egoeran dago, Errege Koparako sailkapena lortzeko ezinbestekoa baitu garaipena lortzea. Beraz, partida ona espero da.