Bilbao Basket
Larunbatean, 18:00etan
Gescrap Bizkaia-Valladolid: Kopan izateko aukera txikiak agortzera
Erredakzioa
Valladolideko taldea gainditu eta datorren astean Santiagon Blusens Monbusekin gauza bera egiten baldin badute Fotis Katsikarisen mutilek Kopara sailkatzeko aukeraren bat izango dute oraindik.
-
Gescrap Bizkaiak Valladolid bisitatuko du. Artxiboko irudia: EFE
Blancos de Rueda Valladoliden kantxa bisitatuko du Gescrap Bizkaiak larunbat honetan. Helburua Errege Kopa jokatu ahal izateko beste garaipen bat lortzea da, nahiz eta aukera oso txikiak izan dagoeneko.
CAI Zaragozaren aurrean etxetik kanpo aurreneko garaipena lortu eta gero, Bartzelonako Errege Kopan izateko borrokan bizirik jarraitzen du Gescrap Bizkaiak. Zaragozako partida azken segundoetan erabaki zen.
Txapelketako lehen zatiaren azken txanpara sei garaipen dituztela heldu dira Fotis Katsikarisenak. Horrek Errege Kopara sailkatzeko helburua asko zailtzen du, baina Valladolideko taldea gainditu eta datorren astean Santiagon Blusens Monbusekin gauza bera egiten baldin badute sailkatzeko aukeraren bat izango dute oraindik.
