Bilbao Basket
Euroliga
'Beltzezko Gizonak' geldiarazi ditu Real Madrilek Europan
Erredakzioa
Gescrap Bizkaiak ez du Real Madril irabazterik izan (89-73). Markagailuan atzetik izan dira Katsikarisen gizonak neurketa osoan zehar eta ez dira egoerari buelta emateko kapaz izan.
-
Hervelle neurketan zehar. Argazkia: EFE
Real Madril: Sergio Rodriguez (20), Suarez (2), Singler (10), Tomic (15), Mirotic (5) -hasierako bostekoa- Sergio Llull (8), Felipe Reyes (2), Begic (12), Pocius (4), Carroll (11), Velickovic (-).
Gescrap Bizkaia: Aaron Jackson (2), Mumbru (17), Vasileiadis (), Banic (18), D'or Fischer (6) -hasierako bostekoa- Grimau (2), Josh Fisher (-), Mavroeidis (8), Vasileiadis (13), Axel Hervelle (2), Raul Lopez (5).
Partzialak: 26-16, 24-20, 19-19, 20-18.
Gescrap Bizkaiak porrot egin du Madrilen (89-73). Real Madril hobeto moldatu da partida osoan zehar, nahiz eta bilbotarrak erreakzionatzen saiatu zenbait unetan. Bizkaitarrak markagailuan hurbildu dira behin baino gehiagotan, baina Pablo Lasoren jokalariek ez diote ezusteakori aukerarik.
Gescrap Bizkaia ezinean aritu da aurreneko bi laurdenetan. Bilbotarren uztaipeko jokoak ez du beharrezko sendotasunik izan eta zona oso makal defendatu dute. Bien bitartean, Real Madrilek aldea egin du markagailuan atsedenaldia baino lehen.
Gainera, Katsikarisen mutilek ez dute kanpoaldeko jaurtiketekin minik egin, izan ere, hiruko saiakera guztiak huts egin dituzte, bederatzi guztira.
Hala ere, hirugarren laurdenean Bizkaiko taldearen jokoak hobera egin du eta madrildarrei zailtasun gehiago jarri dizkiete, baina markagailuan hurbiltzeko nahikoa ez da izan.
Azken laurdenean bilbotarrak markagailua iraultzen saiatu dira berriro, eta oso ondo ekin diote azken txanpa horri, baina hustu egin dira eta zuriek aldea mantendu eta areagotu dute berriz ere.
