Bilbao Basket
Belauneko lesioa
Rafa Luz, min hartutako Bilbao Basketeko jokalarien zerrendan
Agentziak | EITB Media
Joko-antolatzaile brasildarrak belauneko lesioa du eta partida batzuk emango ditu jokatu ezinda. Klubak ez du jakinarazi Luzen sendatze-epea zenbat denborakoa izango den.
-
Rafa Luz, Bilbao Basketeko jokalaria. Argazkia: EITB Media
Rafa Luzek belauneko lesioa du, eta Surne Bilbao Basketek min hartuta dituen jokalarien zerrendara gehitu da. Brasildarrak min hartu zuen iragan asteburuko Valentziaren aurkako Endesa Ligako partidan.
Bilbao Basketeko jokalariak 7 minutu eta 40 segundo bakarrik jokatu zituen Valentziaren aurka. Astearte honetan azterketak egin dizkiote, eta "kondropatia eta sinobitisa du ezker belauneko erdialdeko femurreko tibian", klubak jakinarazi duenez. Hala ere, Bilbao Basketek ez du zehaztu Luzek jokatu ezinda emango duen epea.
Andrew Goudelock eta Alex Galan jokalariak ere min hartuta ditu talde bilbotarrak.
