Bilbao Basket
Eurocup
Gescrap Bizkaia, abentura europarrari ekiteko prest
Erredakzioa
Buducnost izango du aurkari Eurocupeko multzoen faseko lehen partidan. Norgehiagoka asteazkenean jokatuko da Bilbao Arenan, 20:15ean.
-
Endesa Ligako Gescrap Bizkaia-Unicaja partidako irudia. Argazkia: EFE
Gescrap Bizkaiak asteazken honetan ekingo dio 2012-2013. denboraldiko Eurocup txapelketari. Bilbao Arenan jokatuko du, 20:15ean.
Iragan denboraldian Euroligan lehiatu zen Bilbao Basket, eta hirugarren aldiz jokatuko du Eurocup txapelketa. B multzoan dago Gescrap Bizkaia, Buducnost, Spirou Charleroi eta Lukoil Academic taldeekin batera. Valencia Basket, Gescrap Bizkaia, Galatasaray, Cibona eta Marko Banicen Unics Kazan taldeak dira txapelketa hau irabazteko faboritoak.
Buducnost Adriatikoko Ligako laugarren sailkatua da, eta jokatutako azken jardunaldian Cibonaren aurka galdu zuen etxean, Moracan.
