Bilbao Basket
Eurocup
Gescrapek bidea gehiago urratu nahi du Sofian
Erredakzioa
Bizkaiko taldea moralez gainezka joan da Bulgariara; izan ere, hamabi partida ofizialetan hamar garaipen lortu dituzte bilbotarrek denboraldi honetan.
Albisteak (2)
Informazio gehiago (1)
Bizkaiko taldea moralez gainezka joan da Bulgariara; izan ere, hamabi partida ofizialetan hamar garaipen lortu dituzte bilbotarrek denboraldi honetan. Gainera, Endesa Ligako azken partidan FIATC Joventut aise hartu zuten mendean, Bilbon.
Fotis Katsikarisen jokalariek eta Miribillako jarraitzaileek indarrak batu dituzte zailtasun ekonomikoei aurre egiteko. Horrela, 'beltzezko gizonek' historiako denboraldi hasierarik onena egin dute.
Asteazkeneko neurketari begira, Gescrapek Raul Lopez antolatzailearen baja du. Hala ere, Roger Grimau erantzun paregabea ematen ari da haren ordezko gisa. Raul denboraldiko jokalaririk onena izaten ari zen eta Grimauk postua eta rola aldatu behar izan ditu lekua betetzeko.
Bolada onarekin jarraitzeko Bilboko taldeak Lukoil harrigarria gainditu beharko du. Teorian multzoko talderik ahulena zen, baina lehen jardunaldian Belgacom Spirou (93-73) jipoitu zuen eta Montenegroko Buducnost (75-72) estu hartu zuen bigarrenean.
