Gipuzkoa Basket
Endesa Liga
Lagun Arok maila gal dezake larunbat honetan
Erredakzioa
Blusens Monbusen aurka jokatuko du larunbatean (19:15ean) Illunben, eta partida hau galduz gero Gipuzkoa Basketek agur esango dio Endesa Ligari.
-
David Doblas Lagun Aro GBC-Cajasol partidan. Argazkia: EFE
Lagun Aro GBC Endesa Ligako sailkapeneko azken-aurreko postuan dago, eta salbazioa hiru garaipenera du talde gipuzkoarrak. Blusens Monbus izango du aurkari larunbat honetan (19:15ean) Illunben. Partida hau galduz gero, maila galduko du Lagun Arok.
Mad-Croc Fuenlabrada, Valladolid eta Cajasol taldeek Lagun Arok baino hiru garaipen gehiago dituzte, eta Sevillako taldeak, gainera, basketaveragea alde du. Ondorioz, Sito Alonsok zuzentzen duen taldeari garaipena lortzeak bakarrik balio dio Fuenlabradarekin eta Valladolidekin duen desabantaila bi partidara murrizteko.
Lagun Arok, Valladolidek eta Fuenlabradak jardunaldi honetako partidak galtzen badituzte, azken hiru partidak irabaztera behartuta legoke talde gipuzkoarra, eta horrez gain Fuenlabradak eta Valladolidek partida gutziak galtzea beharko luke. Lagun Arok azken hiru partidetan Herbalifel, Bartzelona eta Real Madril izango ditu aurkari.
