Gipuzkoa Basketek Errege Kopara begira jarraitu nahi du

Gipuzkoa Basketek beste urrats bat eman nahi du Errege Koparako sailkatzeko bidean. Horretarako Valladolid Endesa Ligako azken sailkatuaren etxean irabazi beharko du.

Sito Alonso entrenatzaileak Errege Kopa helburu nagusien artean jartzeak izan dezakeen arriskuaz ohartarazi du, eta partidaz partida joatea eskatu du, epe ertainera eta luzera jarritako helburuak alde batera utzita.

Baina Illunbeko ikusleen artean ilusioa da nagusi, eta taldea Kopan lehiatzea nahi dute; izan ere, GBCk aukera argiak ditu sailkapena lortzeko.

Gipuzkoa Basket ezustekoa ematen ari da aurtengo Endesa Ligan; txapelketako bigarren defentsarik onena dute, eta hiruko jaurtiketetan ere maisu ari dira.