Gipuzkoa Basket
Igandean 18:00etan
Lagun Aro-Estudiantes: Laso madrildarrekin mesfidati agertu da
Erredakzioa
Ez du uste hain une kaskarrean direnik. Entrenatzaileak Jimmy Baronen sasoi ona nabarmendu, baina ez duela euforia piztu nahi argi utzi du.
Pablo Laso Lagun Aro GBCko entrentzailea pozik dago taldeak egindako liga hasierarekin (egun, plan offeko postuetan dira). Estudiantes izango dute aurkari igande honetan eta Laso madrildarrekin mesfidati agertu da, ez du uste hain une kaskarrean direnik.
Estudiantesen erreferentzia Pancho Jasen da haren ustez, "azken bi urteetan asko hazi den" jokalaria. Asselin edo Gabriel bezalako jokalariak ere azpimarratu ditu Lasok. "Oreka handiko eta errebotean indartsu" da Estudiantes.
Iganderako jokalari guztiak prest ditu teknikariak. Jimmy Baronen sasoi ona nabarmendu du Lasok, baina ez duela euforia piztu nahi argi utzi du.
