Gipuzkoa Basket
Igandean 12:30ean
Real Madril-Lagun Aro, maila handiko neurketa
Erredakzioa
Lau garaipen eta porrot bakarrarekin ACBko sailkapen nagusiaren lidergoan dira biak.
Real Madrilek eta Lagun Arok indarrak neurtuko dituzte igande honetan 12:30etik aurrera. ACBko lidergoan dira biak, lau garaipen eta porrot bakarrarekin. Bartzelona, Caja Laboral eta DKV ere sailkapen nagusiaren gorenean dira.
Madrildarrek denboraldiko partidarik onena egin berri dute, Erromaren aurka Euroligan. Donostiarrek denboraldi hasiera bikaina egin eta igande honetan bosgarren garaipena jarraian batzea izango dute helburu.
Lasorenek garaipen historikoa lortu nahi dute madrildarren etxean, baina badakite ez dela erraza izango. Ettore Messinaren taldea geldiaraztea ia ezinezkoa dela ohartarazi du Lasok berak. Horretarako, akatsik gabeko neurketa egin behar luke Gipuzkoa Basketek.
