Itxi

Gipuzkoa Basket

Jokalari berria

Duda Sanadze hegalekoak Delteco Gipuzkoa Basketen jokatuko du

ERREDAKZIOA | EITB.EUS

Georgiarra Donostiako taldeko jokalaria da jada. Hegalekoa jokalari garrantzitsua da kanpoko jokoa indartzeko, eta oso abila da hirukoak saskiratzen. Flexx Pistoia talde italiarretik dator.

  • Duda Sanadze hegalekoak Delteco Gipuzkoa Basketen jokatuko du. Argazkia: @gipuzkoabasket

    Duda Sanadze hegalekoak Delteco Gipuzkoa Basketen jokatuko du. Argazkia: @gipuzkoabasket

Duda Sanadze, Delteco Gipuzkoa Basketen jokalaria da jada. Georgiarrak bi aste daramatza Donostia Arenan entrenatzen taldearekin, eta gutxienez, hilabete baterako iritsi omen da.

Hegaleko georgiarra jokalari garrantzitsua da kanpoko jokoa indartzeko, eta trebea da hirukoak saskiratzen. Italiar Ligako Flexx Pistoia taldetik dator eta Esloveniako Sixt Primorskan aritutakoa ere bada. Hala ere, bere hastapenak NCAAn izan ziren, hain zuzen ere, Estatu Batuetako unibertsitateen kirol-programan, zeinetan hiru urte eman zituen San Diegoko Unibertsitatearekin batera.

Uztaila eta iraila bitarteko partidetan, georgiarrak 26 minutu jokatu ditu, 10-5 puntu erdietsi ditu, 6.3ko balorazioarekin eta %50eko abilezia erakutsi du azken lau partidetan hiruko saskiratzeetan.