Gipuzkoa Basket
Igandean, 17:00etan
Lagun Aro-Manresa: Konfiantza berreskuratzeko aukera paregabea
Erredakzioa
Jaitsiera postuetatik urruntzeko donostiarrek garaipena beharko dute talde katalanaren aurka. Ilumbe gotorleku bilakatu beharko da Lasoren mutilentzat.
Pablo Lasoren mutilek Assignia Manresaren aurka jokatuko dute sailkapenean lasaitasuna lortzeko asmoarekin. Gipuzkoarrek azken zortzi partidetatik soilik bat irabazi dute eta horregaitik Ilumbe gotorlekua bilakatu beharko da.
Lagun Arok ACB Ligako partida gogorrenetarikoak gainditu egin ditu Bartzelona, Fuenlabrada eta Caja Laboralen aurka jokatu baitu jada, eta nahiz eta emaitzak kaskarrak izan Gipuzkoa Basket oraindik jaitsiera postuetatik hiru garaipenara mantentzen da. Bizkaia Bilbao Basketen aurkako derbia baino lehen, donostiarrek konfiantza berreskuratu nahi dute eta Baronen eta Mirallesen gidaritzapean Lasoren mutilak katalanak gainditzen saiatuko dira.
