Gipuzkoa Basket
77-61
Lagun Arok porrota jaso du Regal Bartzelonaren aurka
Erredakzioa
Endesa Ligako liderrak ez du barkatu bere etxean eta garaipena lortu du 77-61eko emaitzarekin. Sailkapeneko laugarren postua galdu du GBCk.
-
Lagun Arok 77-61 galdu du Regal Bartzelonaren aurka. Argazkia: EFE
Lagun Aro GBCk 77-61eko emaitzarekin galdu du Regal Bartzelonaren aurka jokatu duen partida eta porrot honekin, gipuzkoarrek Endesa Ligako laugarren postua galdu dute.
Bartzelona nagusi izan da hasieratik. Partida, 0-5eko partzialarekin hasi du etxeko taldeak eta bazirudien hasieratik alde handiegia lortuko zuela. Lagun Arok, ordea, ez du horren azkar etsi eta aldeak murriztea lortu du bi puntura jarrita (18-16). Lehen laurdeneko azken txanpan Barça eraginkorra izan da eta zazpi puntuko aldea lortu du (23-16). Bigarren laurdenean bideratu du garaipena Bartzelonak. Indartsu ibili da etxeko taldea laurden honetan eta 13 puntuko aldea lortu zuten (43-30).
Atsedenalditik kantxara itzulita, Lagun Arok aldeak murriztea zuen helburu. saiatu dira gipuzkoarrak eta 13 puntutik 11ra murriztu du desabantaila. Murrizketa hau ez da nahikoa izan eta, azken laurdenean Bartzelonak aurrez lortutako aldeak areagotzea lortu zuen. Amaieran, 77-61eko emaitzarekin atera zen garaile talde katalana.
Fitxa teknikoa:
77 - Bartzelona Regal (23+20+12+22): Marcelinho (14), Navarro (17), Eidson (7), Lorbek (4), Ndong (4) -hasierako bostekoa- Víctor Sada (4), Rabaseda (-), Wallace (7), Joe Ingles (6), Fran Vazquez (12), Perovic (2) eta Joan Creus (-).
61 - Lagun Aro GBC (16+14+14+17): Sergi Vidal (6), Javi Salgado (10), Jimmy Baron (4), Betts (11), Andy Panko (16) -hasierako bostekoa-Neto (12), Lasa (-), David Doblas (-), Korolev (-), Ogide (-) eta Peter Lorant (2).
Epaileak: Juan Luis Redondo, Oscar Perea eta Carlos Cortés.
