Gipuzkoa Basket
5 porrot
Gipuzkoa Basket, bere historiako liga hasiera kaskarrenean
Erredakzioa
Sito Alonsoren mutilek bostetik bost neurketa galdu dituzte, eta Endesa Ligako saskiraketa gutxien lortzen dituen bigarren taldea da, Cajasolen aaurretik.
-
Raul Neto. Argazkia: EFE
Gipuzkoa Basketek iragan denboraldian lau porrot jarraian jaso zituen, baina bosgarren norgehiagokan garaipen bikaina lortu zuten, Zaragozaren aurka. Garaipen horren ostean taldeak ligan gora egin zuen, eta bere historiako denboraldirik onena burutu zuen.
Lagun Arok taldea sendotzeko fitxaketak egin ditu, baina jokalariak ez dira Sito Alonsoren eskemara moldatu, oraindik. Andy Panko, Sergi Vidal eta Jimmy Baron ordezkatzea zaila izango zela bazekien klubak, baina Qyntel Woodsek, Korolevek eta Kuksiksek oraindik ez dute euren maila eman.
Fuenlabradaren aurkako partida, Woodsek puntu bakarreko balorazioa jaso zuen, Korolevek bi puntukoa eta Kuksiks taldeko azkeneko fitxaketak 7 puntukoa.
