Baskonia
Euroliga
Caja Laboralek Top 16ko laugarren garaipena eskuratu nahi du
Erredakzioa
Ostiral honetan jokatuko du Fenerbacheren aurka Turkian. Norgehiagoka 19:30ean hasiko da, eta zuzenean eskainiko dute eitb.com-ek eta ETB-1ek.
-
Caja Laboral Baskoniak Fenerbacheren aurka jokatuko du ostiral honetan Turkian. Argazkia: EFE
Caja Laboral Baskoniak Fenerbacheren aurka jokatuko du ostiral honetan Turkian Euroligako Top 16ko laugarren jardunaldiko partida, 19:30ean. Norgehiagoka zuzenean eskainiko dute eitb.com-ek eta ETB-1ek.
Top 16ko lehen hiru jardunaldietan hiru garaipen lortu ditu Caja Laboralek. Euroliga eta Endesa Liga kontuan hartuta hamabost partida jarraian irabazi ditu Baskoniak, eta hamaseigarrena lortu nahi du ostiralean.
Zan Tabakek ez du bajarik izango partida honetarako. Fenerbache ez da aurkari erraza izango. Turkiarrak Londreseko Lauko Finalera iristeko helburuarekin osatu zuten taldea, baina Euroligako Top 16an ez du oraindik garaipenik lortu.
Mike Batiste eta David Andresen dira turkiarren taulapeko lana ondo egiten duten jokalariak, eta Baskoniari defentsan lanak emateko helburua izango dute.
