Baskoniak bai ala bai irabazi behar dio Bartzelonari

Caja Laboralek garrantzi handiko hitzordua du gaur, Euroligan. Gasteiztarrek Bartzelona Regalekin neurtuko dituzte indarrak, Palaun, Top 16ko 12. jardunaldiko partidan (20:45ean).

Hiru jardunaldi falta dira Top 16ari amaiera emateko, eta Baskoniak final-laurdenak ditu helburu. Hurrengo kanporaketarako txartela lortzeko lehian, Olinpiakos, Montepaschi Siena, Khimki Mosku eta Makabi Tel Aviv taldeak dituzte aurrean gasteiztarrek. Sailkapena ziurtatuta daukan talde bakarra Bartzelona Regal da: hamar garaipen lortu eta porrot bakar izan du.

Garaipena lortuta, sailkapena eskuratzeko itxaropenari eutsiko lioke taldeak, baina porrotak asko zailduko luke Baskoniaren etorkizuna Europako txapelketan.

Jarrai ezazu partida zuzenean eitb.com-en eta ETB-1en, ostegun honetan 20:45etik aurrera.