Baskonia
Euroliga
Izar Gorriaren kontra, Buesa Arenan
Erredakzioa
Sergio Scarioloren gizonek Euroligako hurrengo faserako txartela ia ziurtatzeko abagunea izango dute gaur Buesa Arenan, Belgradeko Izar Gorriaren kontra.
Albisteak (3)
Bideoak (1)
Informazio gehiago (1)
Laboral Kutxak Telekom Belgrad hartuko du gaur Buesa Arenan (20:30ean). Arabako taldeak hurrengo faserako sailkatzea ia erabakita uzteko abagunea izango du, Serbiako taldearen kontra.
Scarioloren gizonek hiru partidatik bi irabazi dituzte, eta hirugarren garaipenarekin hurrengo faserako txartela ia ziurtatutatzeko aukera izango dute. Belgradeko Izar Gorria taldeak ez du garaipenik lortu Europako txapelketan, eta Baskoniak garaipen garrantzitsua eskuratzeko abagunea izango du, zaleen aurrean.
Lamont Hamiltonek beste aste bat kantxetatik at egon beharko du, izterrean lesioa baitu, baina Scarioloren Thomas Heurtel berreskuratuko du. Fabien Causeurrek gastroenteritisa du, eta bere parte-hartzea zalantza izango da azken ordura arte.
Lietuvos Rytasen aurka emandako joko ona errepikatu nahi du Laboral Kutxak, Endesa Ligan porrot oso mingarria jaso baitzuen Cajasolen kontra. Sevillako taldearen aurka itxura kaskarra eman zuten jokalariek, baina Euroligan porrot hori ahazteko abagune bikaina izango dute.
