Baskoniak etxetik kanpoko lehen garaipena lortu nahi du

Laboral Kutxa Baskoniak etxetik kanpoko lehen garaipena eskuratzea izango du helburu igande honetan, FIATC Joventuten aurka.

Partida horretan otsailean jokatuko den Errege Koparako txartela izango dute jokoan. Porrotak xede horretatik oso urrun utziko luke Gasteizko taldea. Kopan aritzeko lehen itzulia bukatzeko geratzen diren norgehiagoka guztiak irabazi beharko lituzke.

Mirza Begicek Euroligan egin zuen debuta, ostegunean, Baskoniaren elastikoarekin. Igande honetan ligan arituko da. Klubak hilabete baterako fitxatu du, Hamiltonen lesioaren ondorioz.

ETB-1ek eta eitb.eus-ek zuzenean eskainiko dute partida igande honetan, 12:00etatik aurrera.