Andrea Bargnani, etxean

Sito Alonso Baskonia taldeko entrenatzaileak Andrea Bargnaniren baja baieztatu du. Beraz, Italiako jokalaria ez da Belgradora bere taldekideekin joango Euroligako hurrengo neurketa Izar Gorriaren aurka jokatzeko.

Adam Hanga, bestalde, prest izango da Malagako Unicajaren kontra jokatu ez arren azken jardunaldian.

Alonsok baja garrantzitsua dela aitortu du, baina bide batez, Diop, Voigtmann eta Kim Tillie jokalariek minutu gehiago izango dituztela Belgradon eta aprobetxatu beharko dituztela.

Chase Budingerr, Gasteizera heldu den azken jokalaria, ordea, bi entrenamendu besterik ez ditu egin, baina partidan lagunduko duela argitu zuen Sitok.