Baskonia
Konfirmatuta
Baskonia utzi eta Bartzelona entrenatuko du Sito Alonsok
Agentziak | Erredakzioa
Bi urterako sinatu du talde kataluniarrarekin. Gasteizen, 75 partida ofizial zuzendu ditu, eta 44 irabazi eta 31 galdu ditu.
Sito Alonsok ez duela entrenatzaile karguan jarraituko konfirmatu du Baskoniak. Madrildarrak Bartzelona entrenatuko du datozen bi denboraldietan.
Alonso iazko udan iritsi zen Gasteizera Bilbao Basketetik, eta aurten ezin izan du titulurik lehiatu.
"Sito Alonsok ez du Baskonian jarraituko datorren denboraldian. Saski Baskoniak eta entrenatzaile madrildarrak akordioa egin dute Alonsok talde baskonistan ez jarraitzeko. Klubak egindako lana eskertu nahi dio eta onena opa dio etorkizun profesionalean zein pertsonalean", esan du Baskoniak adierazpen ofizial batean.
Alonsok bi urterako kontratua sinatu zuen Velimir Perasovicek Anadolu Efesera joandakoak utzitako lekua betetzeko. Alonsok ez du lortu titulu bat irabazteko lehian sartzea, Euroligan irudi ona eman arren.
Baskonia play-offetan sartu zen, baina CSKAren aurka galdu zuen, aurre egin zion arren. Endesa Liga bigarren postuan amaitu zuen fase erregularrean, baina finalerdietako kanporaketan kalean geratu zen, Valentzia Basketekin 3 eta 1 galduta. Errege Kopan ere, finalerdietan makurtu zuen burua, Real Madrilen aurkako kanporaketan.
Guztira, 75 partida ofizial zuzendu ditu Sito Alonsok Baskoniaren eserlekutik, eta horietariko 44 irabazi eta 31 galdu ditu.
t="utf-8">OFICIAL | Baskonia y Sito Alonso han llegado a un acuerdo para su desvinculación.
— Saski Baskonia (@Baskonia) 16 de junio de 2017
¿ https://t.co/x6QSQXjF41
Mila esker eta zorte on! pic.twitter.com/fZniqVfHFh
