Baskonia
Larunbatean 18:00etan
Caja Laboral-Regal Bartzelona, ACBko lidergoa jokoan
Erredakzioa
Bi taldeek espero gabeko porrotak jaso zituzten astebarruan Euroligan.
Caja Laboral Baskoniak larunbat honetan (18:00etan) jokatuko du Regal Bartzelonaren aurka ACB Ligakopartida. Ez da edozein partida, lidergoa baitago jokoan Buesa Arenan.
Bi taldeek porrot bana jaso zuten astebarruan Euroligan. Iragan denboraldian bi talde hauek jokatu zuten ACB Ligako finala. Bosgarren partidan erabaki zen irabazlea eta talde hura Baskonia izan zen. San Emeteriok Bartzelonari azken segundoan sartutako saskiratzeak eman zion garaipena Caja Laborali.
Partida irabaziz gero, Dusko Ivanovicek bere 300. garaipena lor dezake ACB Ligan. Marcus Haislip min hartuta dago eta horrek Martin Ranciken kontratua luzatzera bultzatu du Baskonia. Beraz, Rancikek jokatu ahalko du Bartzelonaren aurka. Dejan Musli deialditik at geratu zen Zaragozaren aurka, baina partida honetan minutuak eduki ditzake.
