Endesa Ligako finalerdiak: Kirolbet Baskoniaren kanporaketako datak eta ordutegiak

Kirolbet Baskoniak ez du jakingo ostiralera arte zein izango den bere aurkaria Endesa Ligako play-offetako finalerdietan.

Gasteizko taldeak asteartean lortu zuen kanporaketa horretara sailkatzea, era bikainean lortu ere, aise azpiratu baitzuen Unicaja bi partidatan.

Bere arerioa izango denak, ordea, hirugarren norgehiagoka bat lehiatu beharko du ostiral honetan, Bartzelona Lassaren eta Morabanc Andorraren arteko kanporaketa berdinduta baitago une honetan.

Hartara, arerioa ezagutzeko itxaron egin beharko duen arren, Baskoniak dagoeneko badaki zein izango den finalerdietan izango duen egutegia.

Finalerdietako egutegia:

Lehen partida: ekainak 4, astelehena (21:00)

Bigarren partida: ekainak 6, asteazkena (21:00)

Hirugarren partida: ekainak 8, ostirala (21:00)

Laugarren partida (beharrezkoa balitz): ekainak 10, igandea (18:30)

Bosgarren partida (beharrezkoa balitz): ekainak 12, asteartea (21:00)