Itxi

Baskonia

NBAra doa

Vincent Poirierrek Boston Celticsen jokatuko duela baieztatu du

Erredakzioa

Baskoniako pibotak twitter sare sozialean adierazi du NBAn jokatuko duela datozen bi denboraldietan.

  • Vincent Poirier. Argazkia: EFE

    Vincent Poirier, Baskoniarekin jokatutako partida baten. Argazkia: EFE

Vincent Poirier Baskoniako jokalariak astearte honetan baieztatu du Boston Celtics taldean jokatuko duela datorren denboralditik aurrera. Twitter sare sozialean adierazi du datozen bi denboraldietan NBAn jokatuko duela.

Hala ere, Poirierrek kontratua du oraindik Baskoniarekin, eta klubak ez du ezer esan gai honen inguruan. Beraz, jokalari frantziarra akordiora iritsi beharko da Baskoniarekin, NBAra joan ahal izateko.

Johannes Voigtmannen eta Vincent Poirierren irteerekin bi pibot galduko ditu Arabako taldeak. Poirierrek bi denboraldi eman ditu Gasteizko taldean, eta azken urtean Euroligako erreboteatzaile onena izan da.