Baskonia
Fase erregularra amaitu da
ACB Liga: Bilbao Basketek eta Caja Laboralek garaipenak lortu dituzte
Erredakzioa
Arabarrek 79-70 gainditu dute Lagun Aro Buesa Arenako derbian. Katsikarisen mutilek 68-78 irabazi dute Estudiantesen aurka eta sailkapeneko seigarren postua eskuratu dute.
Caja Laboralek laugarren amaitu du sailkapenean azken minutuetan baino kontrolatu ez duen partida irabazita. Arabarrek Kanaria Handiaren aurka neurtuko dituzte indarrak playoffetan.
Lagun Aro GBC aurretik hasi da markagailuan, neurri handi batean Javi Salgadori esker. Lehen laurdena 19-21 amaitu da, gipuzkoarren alde.
Bigarren laurdenean, areagotu egin da Lasoren gizonen abantaila, eta hamalau puntuko aldearekin iritsi dira atsedenaldira, 35-49.
Hirugarren laurdenaren aurreneko bost minutuetan, ordea, 11-2ko partziala lortu du Caja Laboralek (46-51), eta markagailuari buelta eman dio (60-57).
Azken laurdena oso estua izan da, baina Caja Laboralek ondo kontrolatu du, eta, azkenean, 79-70 gailendu da. Garaipen horri esker, Lasoren gizonek Kanaria Handiaren kontra jokatuko dute playoffetan.
Fitxa teknikoa:
79 - Caja Laboral (19+16+25+19): Huertas (10), Oleson (3), San Emeterio (10), Dragicevic (12), Barac (27)-hasierako bostekoa-, Palacio, Ribas (9), Batista (8), Logan.
70 - Lagun Aro (21+28+6+13): Salgado (9), Lasa, Baron (22), Miralles (9), Doblas-hasierako bostekoa-, Kone (18), Uriz (3), Freimanis (9).
Bizkaia Bilbao Basketek seigarren postua ziurtatu du Estudiantes 68-78 gaindituz. Garaipen honi esker, bilbotarrek Power Electronics Valentziaren aurka jokatuko dute playoffetan.
Katsikarisen taldeak 33-44ko markagailua lortu du atsedenaldirako eta hirugarren eta azken laurdenetan talde beltza nagusi izan da.
- Fitxa teknikoa:
68 - Asefa Estudiantes (19+14+20+15): Asselin (8), Welsch (12), Granger (5), Jasen (13), Carner-Medley (13) –hasierako bostekoa- Blanch (7), Sqanchez (2), Fernandez (2), Gabriel (2), Clark (4), Ellis (0), Oliver (0).
78 - Bizkaia Bilbao Basket (15+29+10+24): Jackson (11), Warren (2), Mumbru (12), Banic (12), Sonseca (4) –hasierako bostekoa- Fisher (0), Mavroeidis (6), Hervelle (12), Vasileiadis (2), Blums (17), Vazquez (-).
