Baskonia
Bartzelonan
Euskal derbiak emango dio hasiera Errege Kopari
Erredakzioa
Caja Laboral Baskonia eta Lagun Aro ariko dira nor baino nor txapelketako lehen partidan. Derbia 19:00etan hasiko da eta zuzenean ikusteko aukera izango duzu ETB-1en.
-
Caja Laboral eta Lagun Arok emango diote hasiera Kopari euskal derbiarekin. Argazkia: EFE
Ostegun honetan hasiko da Bartzelonako Palau Sant Jordin burutuko den saskibaloiko Errege Kopa. Ostegunetik igandera artean egunero saskibaloi partidak ikusteko aukera izango dute zaleek.
Caja Laboral Baskoniak eta Lagun Aro GBCk jokatuko duten euskal derbiak emango dio hasiera txapelketari 19:00etan eta partida zuzenean eskainiko du ETB-1ek. 21:30ean Regal Bartzelona eta Lucentum Alicanteren arteko lehia jokatuko da.
Ostiralean ere bi partida jokatuko dira. 19:00etan Unicaja-Banca Civica (ETB-1) norgehiagoka eta 21:30ean derbi madrildarra; Real Madril-Fuenlabrada.
Larunbatean jokatuko dira finalerdiak, 18:00etan lehen partida eta 20:30ean (ETB-1) bigarrena. Finala, igandean 18:00etan izango da.
